Бүген Зәйдә шәһәр һәм район Советының бердәм утырышы узды

Бүген Зәйдә район Советының өченче чакырылыш илле беренче утырышы һәм Зәй шәһәре Советының кырык дүртенче утырышы узды. Аның эшендә район башлыгы Разиф Галиевич Кәримов, ТР Дәүләт Советы депутаты Николай Валерьевич Нефедов, депутатлар, җирле үзидарә органнары җитәкчеләре, хезмәткәрләре, районның массакүләм мәгълүмат чаралары вәкилләре һәм башкалар катнашты. Районда мондый утырышлар алдыннан үзгәртеп корылган объектларны һәм гамәлдәге проектлар буенча эш алып барыла торган урыннарны карау традициясе саклана. Шулай итеп, бүген депутатлар Агросәнәгать паркында, төзекләндерелгән хәрби комиссариатта, Зәй-2 нең төбәкара яшьләр үзәгендә, "Мәктәп тавы"нда һәм "Каенкай" балалар бакчасында булдылар. Утырышның пленар өлеше "Ялта-Зәй"нең актлар залында узды. Утырышта катнашучылар Зәй муниципаль районы Советы һәм Зәй шәһәре Советының киләсе елга төзелгән эш планы белән таныштылар, Зәй муниципаль районының Мактаулы гражданины исемен бирү һәм Зәй муниципаль районы бюджетыннан шәһәр һәм авыл җирлекләре бюджетларына Граждан хәле актларын дәүләт теркәвенә алу вәкаләтләрен гамәлгә ашыру өчен субвенцияләр бирү кагыйдәләре турында сөйләштеләр. Утырыш азагында узган ел эш нәтиҗәләре буенча, Зәй муниципаль районы Советы һәм Зәй шәһәре Советының 9 депутаты билгеләп үтелде.