Зәй -2 микрорайонында халык җыены узды

19 август көнне Зәй-2 микрорайонында район башлыгы Р.Г. Кәримов катнашында халык җыелышы узды. Җыелыш башланганчы, шәһәр Советы депутатлары һәм оешма җитәкчеләре гражданнарны кабул итте, анда халык үзләрен борчыган сорауларны бирә алды, аларның кайберләренә гражданнар җавапларны шунда ук алды, ә җентекләбрәк өйрәнүне таләп итә торганнары контрольгә алынды. Җыенда шулай ук алтынчы чакырылыш ТР Дәүләт Советына депутатлыкка кандидат Н.В. Нефедов, район башлыгы урынбасары В. Г. Акатьев, Зәй шәһәре башлыгы урынбасары Е. В. Недошивина, шәһәр Башкарма комитеты җитәкчесе А.В. Петров, шәһәр һәм район хезмәтләре җитәкчеләре катнашты. Зәй муниципаль районы Зәй шәһәренең 2019 елның 1 яртыеллыгында социаль-икътисадый үсеше турында мәгълүмат белән шәһәр башлыгы Р.Г. Кәримов таныштырды. Зәй шәһәрен (ишегалды территорияләрен) төзекләндерү һәм үстерү эшләре һәм 2019 елның 1 яртыеллыгында торак-милекчеләр ширкәте тарафыннан башкарылган эшләр турында, Зәй шәһәре Башкарма комитеты җитәкчесе А.В. Петров җиткерде. Микрорайонда оператив хәл турында Россия Эчке эшләр министрлыгының Зәй районы буенча бүлеге хезмәткәре В.Н. Попов сөйләде. Шулай ук микрорайонда яшәүчеләр алдында «Бердәм Россия» партиясеннән Зәй бер мандатлы 38 нче сайлау округы буенча Татарстан Республикасы Дәүләт Советына депутатлыкка кандидат Николай Валерьевич Нефедов чыгыш ясады. Зәй-2 микрорайонында яшәүчеләр җыелышына район башлыгы Р.Г. Кәримов йомгак ясады.