Зәйдә эшсез гражданнарның чираттагы төркеме укуга кереште

Зәй халык мәшгульлеге үзәге юлламасы буенча эшсез җиде граждан “Чәчтараш” һөнәре буенча беренче гамәли дәресләр ала башлады. Дәресләрне чәчтараш хезмәтләре өлкәсендә практик тәҗрибәсе һәм заманча технологияләр буенча белеме зур булган югары квалификацияле педагог-чәчтараш уздыра. Укучылар үз эшләренең остасы булырга, чәчтараш сәнгатенең барлык нечкәлекләрен өйрәнергә һәм чәчтараш эше осталары сафын тулыландырырга тырыша. Әлеге курс буенча уку 2 ай дәвам итәчәк, тыңлаучылар эшкуарлык эшчәнлеге нигезләре, тире һәм чәч физиологиясе нигезләре, эшлекле культура, чәчтараш хезмәтләре технологияләре белән танышачак. Квалификация имтиханы нәтиҗәләре буенча документ тапшырылачак.