Бигеш авыл җирлегендә беренче яртыеллыкка йомгак ясадылар

14 августта Бигеш авыл җирлегендә район башлыгы Р.Г. Кәримов, алтынчы чакырылыш Татарстан Республикасы Дәүләт Советына депутатлыкка кандидат Н.В. Нефедов, Зәй муниципаль районы хезмәтләре вәкилләре катнашында халык җыены булды. Разиф Гали улы районның 2019 елның 1 яртыеллыгындагы социаль-икътисади үсеш нәтиҗәләре һәм калган чорга бурычлары, 2019 елда Татарстан Республикасы Дәүләт Советына булачак сайлаулар турында сөйләде. Бигеш авыл җирлеге башлыгы И.Р. Вәлиев авыл җирлегенең 2019 елның 1 яртыеллыгында социаль-икътисади үсешенә йомгак ясады һәм калган чорга бурычлар билгеләде. Җыенның көн тәртибенә шулай ук авыл халкының эшлекле активлыгын арттыру, хуҗалык итүнең кече формаларын үстерү, йорт хайваннары һәм кош-корт авыруларын профилактикалау, авыл җирлекләрендәге оператив хәл мәсьәләләре дә кертелгән иде. Җыенда катнашучылар алдында алтынчы чакырылыш Татарстан Республикасы Дәүләт Советына депутатлыкка кандидат Нефедов Николай Валерьевич чыгыш ясады. Җыенга район башлыгы Р.Г. Кәримов йомгак ясады.