Зәй районы мәчетләрендә беренче вәгазьләр укылды һәм бәйрәм намазлары укылды

Бүген мөселманнар ислам диненең иң төп бәйрәмнәренең берсе-Корбан бәйрәмен билгеләп үтәләр. Иртәдән мөселманнар шәһәр һәм район мәчетләренә җыелды. Шәһәрнең Таҗетдин Ялчыгол исемендәге үзәк мәчетендә бәйрәм намазын район имам-мөхтәсибе Фатыйх хәзрәт Нуруллин үткәрде. Ул мәхәллә кешеләренә корбан чалуның тарихы һәм үзенчәлекләре турында сөйләде. Изге Коръән сүрәләре һәм аятьләре укылды, дин тотучылар җирдә тынычлык һәм иминлек, барлык милләт һәм дин кешеләре тыныч һәм тату яшәсен өчен дога кылдылар. Район башлыгы Разиф Кәримов Зәй мөселманнарына ихлас теләкләрен белдерде, мөселманнарны изге Корбан бәйрәме белән котлады, районның беренче яртыеллыгындагы икътисади күрсәткечләре белән таныштырды. Район башлыгы механизаторларның үстерелгән икмәкне югалтуларсыз җыеп алу өчен кулдан килгәннең барысын да эшләүләре турында сөйләде, барысына да уңышлар, сәламәтлек, иминлек теләде. Бәйрәм намазыннан соң кунакларны кайнар пылау һәм чәй белән сыйладылар.