Физкультурачы көне 80 еллыгын бәйрәм итә

Традиция буенча августның икенче шимбәсендә бөтен Россия физик культура һәм спорт хезмәткәрләренең һөнәри бәйрәмен билгеләп үтә. Быел физкультурачылар көненең 80 еллык юбилее. 10 августта массакүләм бәйрәмнәр бөтен ил буйлап узачак. Физкультурачының беренче көне 1939 елның 18 июлендә уза, ул чакта Бөтенсоюз титулын йөртә. Бу көннәрдә Зәйнең «Энергия» стадионында массакүләм бәйрәм узачак. Аның программасында: авыл җирлекләре командалары арасында мини-лапта буенча беренчелек, урам баскетболы буенча ярышлар, спорт гаиләләре ярышлары, җиңел атлетика йөгереше, ГТО нормативларын үтәү һәм башкалар бар. Физкультурачы көнен тантаналы төстә ачу 10.30 сәгатьтә була.