Зәйдә “Мәктәпкә җыенырга ярдәм ит!” республика акциясе кысаларында чаралар дәвам итә

Зәйдә “Мәктәпкә җыенырга ярдәм ит!” республика акциясе кысаларында чаралар дәвам итә. 7 августта “Шатлык” халыкка социаль хезмәтләр күрсәтү үзәгендә социаль хезмәтләрдән файдаланучы гаиләләрдә тәрбияләнүче 30 балага РФ Дәүләт Думасы депутаты Айрат Хәйруллин бүләкләрен тапшырдылар. Уку әсбаплары белән тулы портфельләрне сабыйларга тантаналы төстә депутатның ярдәмчесе Ирина Волостнова тапшырды. Моннан тыш, 5 гаиләгә “Бердәм Россия” сәяси партиясенең җирле бүлеге бүләкләре дә тапшырылды. Аларны партиянең Зәй җирле бүлеге сәркатибе Флорида Әхмәтвәлиева тапшырды. Тантанада район башлыгы урынбасары Валерий Акатьев катнашты.