Зәй муниципаль районының 2016-2021 елларга һәм 2030 елга кадәрге план чорына социаль-икътисади үсеш стратегиясенә үзгәрешләр буенча җәмәгатьчелек фикер алышуы узды

«2030 елга кадәр Татарстан Республикасын социаль-икътисадый үстерү стратегиясен раслау турында «Татарстан Республикасы Законына үзгәрешләр кертү хакында» 2019 елның 5 апрелендәге 31-ТРЗ номерлы Татарстан Республикасы Законын кабул итү сәбәпле, Татарстан Республикасы Икътисад министрлыгының 2015 елның 18 декабрендәге 534 номерлы боерыгы белән расланган Татарстан Республикасы муниципаль районнары (шәһәр округлары) дәрәҗәсендә социаль-икътисадый үсешнең стратегик планлаштыруын гамәлгә ашыру буенча методик рекомендацияләрнең 4.2 бүлеге нигезендә муниципаль стратегиягә үзгәрешләр кертү зарур. Бүген хакимиятнең кече залында 2030 елга кадәр муниципаль район үсеше стратегиясенә үзгәрешләр буенча җәмәгатьчелек фикер алышуы узды. Иҗтимагый совет утырышында муниципаль район башлыгы урынбасары Валерий Григорьевич Акатьев, Зәй шәһәре һәм муниципаль район Советы һәм Башкарма комитетының җаваплы хезмәткәрләре, дәүләт органнарының территориаль бүлекләре, предприятие, иҗтимагый оешмалар һәм массакүләм мәгълүмат чаралары вәкилләре, муниципаль район Иҗтимагый советы әгъзалары катнашты. Утырышта катнашучылар алдында Зәй муниципаль районы Башкарма комитеты җитәкчесенең икътисадый үсеш, сәнәгать, сәүдә, эшмәкәрлеккә ярдәм итү буенча урынбасары Захарова Марина Ивановна чыгыш ясады. Хәзерге вакытта һәм 2019 елның 28 июленә кадәр тәкъдимнәр җыю бара, алар стратегияне алга таба гамәлгә ашыру буенча чаралар планын төзәтүдә һәм эшкәртүдә исәпкә алыначак.