Зәй-2 микрорайонында яңартылган Яшьләр үзәген ачу тантанасы узды

28 июньдә Зәй -2 микрорайонында капиталь ремонттан соң Яшьләр үзәген ачу тантанасы булды. Тантанада Зәй муниципаль районы башлыгы Разиф Гали улы Кәримов, Татарстан Республикасы Хөкүмәтеннән куратор, «Главгосэкспертиза России» ФАУ Казан филиалы җитәкчесе Фәрит Мөдәрис улы Хәнифов, Зәй муниципаль районы башлыгы урынбасары Валерий Григорьевич Акатьев, район Башкарма комитеты җитәкчесе Илнар Фәнил улы Хафизов катнашты. 2005 елда 500 дән артык бала яшәгән микрорайонда мондый типтагы учреждение беренче тапкыр барлыкка килгән иде һәм ул күптән көтелгән объект булды. 1975 елда төзелгән бинага капиталь ремонтны «Самур " ҖЧҖ подрядчы оешмасы кыска вакыт эчендә башкарып чыкты. Ремонт барышында су белән тәэмин итү, канализация, җылылык белән тәэмин итү челтәрләре алыштырылды, түбә, фасад һәм керү төркемнәре ремонтланды, бизәкләү эшләре башкарылды, тәрәзәләр, эчке ишекләр алыштырылды. Җирле бюджет хисабына территорияне төзекләндерү эшләре башкарылды. Яшьләр үзәгенә капиталь ремонт эшләрен вакытында һәм сыйфатлы башкарганы өчен «Самур» җаваплылыгы чикләнгән җәмгыяте мастерлары Хәйруллина Валентина Николаевнага, Куралесов Евгений Валерьевичка Зәй муниципаль районы башлыгы Рәхмәт хаты, балта остасы Гарифуллин Рәсим Нәгыйм улы Зәй муниципаль районы Башкарма комитеты җитәкчесе Рәхмәт хаты белән бүләкләнделәр. Үзәктә балалар һәм яшүсмерләрнең иҗади потенциалын үстерү өчен барлык заманча шартлар да тудырылган.