Сөббух Рафыйков исемендәге үзәк китапханә хезмәткәрләре тарафыннан танып белү программасы үткәрелде

Россия көне-ул азатлык, тынычлык һәм игелек бәйрәме. Ул безнең күпмилләтле халкыбызның бердәмлеген гәүдәләндерә. 11 июнь көнне, илнең иң төп бәйрәме алдыннан, татар гимназиясенең мәктәп яны лагерында ял итүче балалар өчен, Сөббух Рафыйков исемендәге үзәк китапханә хезмәткәрләре тарафыннан танып белү программасы үткәрелде. Чара башында балалар бәйрәм тарихына сәяхәт ясадылар, аннары «барысы да Россия турында» викторинасы сорауларына җавап бирделәр, китапханәчеләрне ватаныбыз тарихы буенча үзләренең белемнәре белән гаҗәпләндерделәр. Аннан соң балалар уеннарда, конкурсларда актив катнаштылар. Бәйрәм бик күңелле үтте. Укучыларга һәрвакыт игелекле, ярдәмчел булырга, ватаныбызның бай тарихы, матур традицияләр, бәйрәмнәр булуын истә тотарга өндәделәр. Әлеге чарада 100гә якын кеше катнашты.