“Энҗе” балалар бакчасында “Чәчәк утырт” экологик акциясе башланды

2019 елның 16 мае, пәнҗешәмбе

“Энҗе” балалар бакчасында “Чәчәк утырт” экологик акциясе оештырылды, чарада барлык тәрбиячеләр һәм балалар катнашты. Планетабызның яшел киләчәге өчен без бүгеннән үз өлешебезне кертәбез: яшь буынны табигатьне яратырга һәм хөрмәт итәргә өйрәтәбез. Балаларны тирә - юньне сакларга һәм матурларга өйрәтүнең иң яхшы ысулы - чәчәк утырту. Салкынча май көннендә мәктәпкә әзерлек төркеменә йөрүче балалар кулларына көрәк, тырма, чиләк белән су алып, чәчәк утыртырга керештеләр. Чәчәк утырту – әле файдалы гына түгел, шулай ук мавыктыргыч шөгыльдә. Балалар ярдәме белән биредә тагын бер матур чәчәк түтәле барлыкка килде.