Безнең спортчылар карате киокусинкай ачык беренчелегендә призлы урыннар алдылар

21 апрельдә Бөгелмә шәһәрендә киокусинкай карате буенча ачык беренчелек узды, анда Татарстан Республикасы, Башкортостан, Удмуртия шәһәрләреннән 300 дән артык спортчы катнашты. Зәй данын Алексей һәм Владимир Ревиннарның укучылары яклады. Каты һәм кискен көрәш нәтиҗәсендә егетләр призлы урыннарга лаек булдылар, турнирда Ишмөхәммәтов Әмир, Павлов Даниил, Зеленин Максим, Скопин Георгий, Пылаев Егор, Валишин Айрат, Плеханов Дмитрий, Семенов Владислав, Хөснетдинов Марат җиңүче булдылар. Икенче урынны Решетов Роман, Баринов Егор алды. Өченче урынны Шакиров Данияр, Храмков Георгий, Гомәров Раил яулады. Турнирда иң яхшы техника өчен махсус приз белән Павлов Даниил бүләкләнде. Зәй командасы турнирда беренче урынны яулады.