Зәйдә сәламәтлек саклау тармагында хезмәт куючылар 2018 елга нәтиҗә ясады

Бүген Зәйнең сәламәтлек саклау тармагында хезмәт куючылар 2018 ел эшчәнлегенә йомгак ясап, агымдагы елга бурычлар билгеләделәр. Медицина хезмәткәрләренең кече коллегиясе форматында узган чарада район башлыгы Разиф Кәримов, Татарстан Сәламәтлек саклау министрлыгының метрологик һәм техник контроль, хезмәтне саклау идарәсе башлыгы Фәнис Исхаков катнашты. 2018 ел эшчәнлеген район үзәк дәваханәсе баш табибы Рим Әмиров анализлады. Баш табибның халыкка медицина хезмәте күрсәтү буенча урынбасары Вадим Усманов узган елдагы үлем очракларының структурасы, шулай ук баш табиб урынбасары Резеда Вәлиуллина 2018 елда диспансеризация үтү нәтиҗәләре турында чыгыш ясады. Киңәшмә бүләкләү тантанасы белән тәмамланды. Сәламәтлек саклау системасында күпьеллык тырыш хезмәтләре өчен поликлиника шәфкать туташлары Рәмзия Шакирова, Зинаида Дмитриева район башлыгы Мактау грамоталары, терапия бүлегенең гомуми практика табибы Эльмира Садриева, хирургия бүлеге өлкән шәфкать туташы Мария Семенова район башкарма комитеты җитәкчесенең Рәхмәт хатлары белән бүләкләнделәр.