“Иң яхшыларын укырга вакыт: А.Алиш исемендәге премия лауреатлары китапларын укыйбыз” республика акциясе турында

2019 елның 5 марты, сишәмбе

Районыбызның балаларга хезмәт күрсәтүче китапханәләрен “Иң яхшыларын укырга вакыт: А.Алиш исемендәге премия лауреатлары китапларын укыйбыз” исемле республика акциясендә катнашырга чакырабыз. 2019 елның 6 мартында, Бөтендөнья кычкырып уку көнендә (ел саен мартның беренче чәршәмбесе үткәрелә) балаларга һәм яшүсмерләргә А.Алиш исемендәге премиягә ия булган язучыларның әсәрләрен укырга тәкъдим итәбез. Укулар төрлечә үтәргә мөмкин: китапханәченең кычкырып укуы, рольләргә бүлеп уку, әсәрләрдән өзекләрне сәхнәләштерү һ.б.