Зәй гүзәлләрен “Татар кызы-2019” Халыкара бәйгесендә катнашырга чакырабыз

Бөтендөнья татар конгрессы Халыкара «Татар кызы-2019» бәйгесен игълан итә. Ул 2019 нчы ел дәвамында узачак. Бәйгенең төп максаты: татар кызларының күркәм сыйфатларын, тыйнаклыгын, халкыбызның гореф-гадәтләрен, телен һәм мәдәниятен саклау һәм үстерү сәләтен күрсәтү. Бәйгедә катнашырга 18 - 25 яшьтәге милләтпәрвәр татар кызлары чакырыла. Татарстан Республикасы буенча «Татар кызы-2019» бәйгесенең зона этабы Түбән Кама шәһәрендә апрель аенда узачак. Әлеге зонага Әгерҗе, Әлмәт, Зәй, Азнакай, Актаныш, Алабуга, Баулы, Бөгелмә, Лениногорск, Мамадыш, Менделеевск, Минзәлә, Мөслим, Сарман, Түбән Кама, Чирмешән, Ютазы муниципаль районнары керә. Зона этабына конкурсантлар сәламләү (2 минут) һәм иҗади номер (5 минут) әзерләп килергә тиешләр. Зона турында катнашу өчен 1нче апрельгә кадәр https://clck.ru/F6z6T сылтамасы буенча бәйгенең онлайн-анкетасын тутырып җибәрергә кирәк.