Р.Ш.Фәрдиев исемендәге паркта "Сәламәтлек көне" спорт бәйрәме узды

27 февраль көнне Р.Ш.Фәрдиев исемендәге паркта хокук бозуларны һәм профилактика атналыгы кысаларында, белем бирү учреждениеләре командалары арасында "Сәламәтлек көне" спорт бәйрәме узды. Ярышларда 6 команда катнашты: 2 нче, 3 нче, 4 нче, 6 нчы, 7 нче мәктәпләр һәм Р. Ш. Фәрдиев исемендәге татар гимназиясе. Ярышта катнашучыларны физик культура, спорт һәм туризм идарәсе җитәкчесе Р. Р. Мавлавиев сәламләде. Командалар спорт эстафетасында көч сынашты һәм нәтиҗәләр буенча җиңүчеләр һәм призерлар билгеле булды. 1 урын 3 нче, 2 урын 4 нче, 3 урын 7 нче урта мәктәпләр булды. Җиңүче һәм призерлар командалары диплом һәм медальләр белән бүләкләнделәр.