Район башлыгы Р.Г. Кәримовның Ватанны саклаучы көне белән котлавы

Хөрмәтле Бөек Ватан сугышы ветераннары, хәрби хәрәкәт һәм хәрби хезмәт ветераннары, ил сагында торучы солдатларыбыз, хөрмәтле ир-егетләребез! 23 февраль – Ватанны саклаучылар көне уңаеннан ихлас котлауларымны кабул итегез. Ватанны саклаучылар көненең данлы һәм бай тарихы бар. Илебезнең барлык буын вәкилләре өчен ул батырлык, фидакарьлек, хәрби дан, намуслылык символы булып тора. 23 февраль - илебез бөтенлеге өчен хезмәт куючы, аның иминлеген тәэмин итү өчен кыю карарлар кабул итүче барлык ватанпәрвәрләр бәйрәме. Чөнки безнең тормышыбызда тынычлык, иминлек, татулыктан да кыйммәтле нәрсә юк. Бүген безнең уртак бурычыбыз – күп гасырлардан дәвам итеп килгән традицияләрне саклау, ил куәтен арттыру, аның алга таба үсеше, дөнья күләмендә абруен күтәрү өчен шартлар тудыру. Безнең Бөек Ватан сугышының бар авырлыгын үз җилкәләрендә күтәргән ветераннарыбызга ихтирамыбыз чиксез, локаль конфликтлар ветераннарына, запастагы рядовой һәм офицерларга, бүгенге көндә ил сагында торучыларга рәхмәт белдерәм. Бүген муниципаль районнан 108 егетебез үзенең хәрби бурычын үти. Бәйрәм белән сезне, хөрмәтле Ватанны саклаучылар! Сезгә ныклы сәламәтлек, бәхет, иминлек телим. Батырлар һәм кыюлар бәйрәме һәрчак якты, күк йөзебез аяз булсын!