Сәламәтлекләре буенча мөмкинлекләре чикләнгән гражданнар өчен “Вакансияләр ярминкәсе”

“Зәй шәһәре мәшгульлек үзәге” дәүләт казна учреждениесе сәламәтлекләре буенча мөмкинлекләре чикләнгән гражданнар өчен “Вакансияләр ярминкәсе” оештыра. Чара агымдагы елның 6 декабрендә көндезге сәгать 10да “Энергетик” Мәдәният сараенда уза. Ярминкәдә Зәй муниципаль районы Башкарма комитетының мәгариф идарәсе” МКУ, “Зәйнең 1нче төп гомумбелем бирү мәктәбе”, “Зәйнең 3нче урта гомумбелем бирү мәктәбе”, “Зәйнең 6нчы урта гомумбелем бирү мәктәбе”, район мәдәният йорты, “Техно” заводы”, үзәкләштерелгән китапханәләр челтәре, Зәй балалар иҗат йорты, “Федотово” тау чаңгысы комплексы”,”Зәй крекеры” Кондитер фабрикасы” ҖЧШ, ТР РОГО ДОСААФ, “Зәй икмәге” ҖЧШ, Зәй политехник көллияте вәкилләре катнашачак. Эш бирүчеләр булган вакансияләр, хезмәт шартлары һәм хезмәт хакы дәрәҗәсе турында мәгълүмат бирәчәк. Эш эзләүчеләргә әңгәмә узу һәм эшкә урнашу өчен анкеталар тутыру мөмкинлеге дә тудырылачак. Тулырак мәгълүмат алу өчен телефон: 8(85558)7 -15 - 43.