Авыл хуҗалыгы һәм азык төлек министры Марат Әхмәтов Зәй аграрийларының эшенә яхшы бәя бирде

5 октябрьдә Татарстан Республикасы Авыл хуҗалыгы һәм азык-төлек министры Марат Әхмәтов, Зәй муниципаль районы башлыгы Разиф Кәримов белән берлектә Зәй районының барлык агрофирмалары кырларын карап чыкты. Очыш вакытында министр шикәр чөгендере, көнбагыш, кукуруз җыюның барышы һәм көзге культураларның торышы белән танышты. Очыштан соң «Восток» агрофирмасының «Яңа Спасс» бүлекчәсе шикәр чөгендере басуында булды, анда уңдырышлылык 1 гектардан 500 центнер тәшкил итә, куелык 1 гектарга 10 мең данәгә якын туры килә. Марат Әхмәтов агрофирма җитәкчеләре, белгечләр белән очрашты, механизаторлар белән сөйләште, шикәр чөгендеренең үсеше һәм аны үстерү технологиясе белән кызыксынды, яхшы оешканлык, җайга салынган эш һәм игенчелектә югары күрсәткечләр өчен тагын бер кат рәхмәтен белдерде.