"Энергетик» мәдәният сараенда Укытучылар көненә багышланган тантаналы чара узды

Бүген "Энергетик" мәдәният сараенда Укытучылар көненә багышланган тантаналы чара узды. Укытучыларны һөнәри бәйрәмнәре белән Зәй муниципаль районы башлыгы Р.К.Кәримов, башкарма комитет җитәкчесе И.Ф.Хафизов, мәгариф идарәсе җитәкчесе С.А.Кузнецов котлады. Зәй районының иң яхшы педагогик хезмәткәрләре Зәй муниципаль районы башлыгының, район Башкарма комитеты җитәкчесенең Мактау грамоталары һәм Рәхмәт хатлары белән бүләкләнделәр. Педагогларны шәһәр һәм районның иҗат коллективлары да котлады. «Мирас» халык вокаль-хореография ансамбле, «Азаль» вокаль-хореография ансамбле, «Каприз» һәм «Легенда» хореография коллективлары укытучыларга үзләренең иң яхшы концерт номерларын бүләк иттеләр. Бәйрәм чарасы программасына шулай ук шоу-балет, саксофонист, 7нче мәктәп хореография коллективлары чыгышлары да кертелгән иде.