Зәйдә белем бирү оешмалары җитәкчеләр катнашуында методик семинар узды

27 апрельдә «Энергетик» мәдәният сараенда Зәй районы белем бирү оешмалары җитәкчеләр катнашуында “Белем бирүнең сыйфатын күтәрү – белем бирү учрежденияләренең төп бурычы”, “ Анализ һәм үсеш перспективалары” дигән темага методик семинар узды. Семинарда Башкарма комитеты җитәкчесенең социаль мәсьәләләр буенча урынбасары А. В. Чапков, Башкарма комитет җитәкчесе урынбасары – мәгариф идарәсе җитәкчесе С. А. Кузнецов, методистлар, гомуми белем бирү оешмалары җитәкчеләре катнашты. Докладлар белән 4 нче мәктәпнең уку-укыту эшләре буенча директор урынбасары . В. З. Калистратова, Кадер мәктәбе директоры Р. М. Миңнегалиев, Түбән Биш мәктәбенең уку-укыту эшләре буенча урынбасары Т.М.Сыйтдикова, Чубыклы мәктәбе директоры Т.А.Халиковлар чыгыш ясады. Киңәшмәгә Башкарма комитеты җитәкчесенең социаль мәсьәләләр буенча урынбасары А. В. Чапков йомгак ясады.