Зәйдә шәһәр мәктәпләренең IX-XI сыйныф укучылары өчен “Вакансияләр һәм уку урыннары ярминкәсе” узды

Кичә “Энергетик” Мәдәният сараенда махсуслашкан “Вакансияләр һәм эш урыннары ярминкәсе” узды. Аны Зәй мәшгульлек үзәге оештырды, чарада шулай ук мәгариф идарәсе башлыгы урынбасары Альфира Исакова катнашты. Чараны мәшгульлек үзәге директоры Екатерина Андреева ачты. Татарстан Республикасының җиде югары һәм урта һөнәри уку йорты вәкилләре презентацияләрдә һәм видеороликларда булачак абитуриентларга үзләренең учреждениеләре, укырга керү тәртибе, яшәү урыны турында сөйләделәр, укучыларны кызыксындырган сорауларга җавап бирделәр. Ярминкәдә 300ләп укучы катнашты, алар һөнәри ориентлашу буенча тестлаштыру узды, уку йортлары вәкилләре белән аралашты, шулай ук эш бирүчеләр тарафыннан нинди һөнәр ияләре һәм белгечлекләргә ихтыяҗ булуы турында белделәр. Чара барышында бирелгән мәгълүмат югары сыйныф укучыларына һөнәр сайлауда дөрес юл сайларга ярдәм итәр дип ышанасы килә.