Балалар иҗат йортында “«Бәхетле балачак-2018» шигырь сөйләүчеләр муниципаль конкурсы үтте

23 апрельдә Зәй муниципаль районында игълан ителгән мәгариф елы кысаларында, балалар иҗат йортында район мәгариф бүлеге һәм “Алтын чәч” балалар бакчасы белән берлектә ел саен үткәрелә торган “«Бәхетле балачак-2018» шигырь сөйләүчеләр муниципаль конкурсы үтте. Конкурста 3 төрле яшь категориясенә кергән 22 балалар бакчасында тәрбияләнүче катнашты. Конкурс татар телендә үтте. Конкурс иң яхшы татарча шигырь сөйли белүчене ачыклау, аларда үз сәләтләрен үстерүгә кызыксыну уяту максатында үткәрелде. Ярышлар тәмамлануга җиңүчеләр билгеле булды. Үзләренең иҗади номерлары белән “Алтынчәч”, “Кояшкай” һәм “Аленка” балалар бакчасында тәрбияләнүчеләр чыгыш ясады. Уртача яшьтәгеләр төркеменнән 1 урынга “Тылсымлы әкият” балалар бакчасыннан С.Хафизова, 2 нче урынга “Кояшкай” балалар бакчасыннан Д.Галиева, 3 нче урынга “Алтынчәч” балалар бакчасыннан М.Матвеева, зурлар төркеменнән 1 нче урынга “Каенкай” балалар бакчасыннан А. Гыйльфанова, 2 нче урынга “Салават күпере” балалар бакчасыннан А.Иванов, 3 нче урынга «Тылсымлы әкият» балалар бакчасыннан Р.Галиевалар лаек булды. Мәктәпкә әзерләү группаларыннан 1 нче урынны “Күкчәчәк” бакчасыннан Д.Расторгуева, 2 нче урынны “Энҗе” балалар бакчасыннан Д.Исламова, 3 нче урынны “Якты кондыз” балалар бакчасыннан А.Сәләховалар алды. Җиңүчеләргә уңышлар телибез!