Зәй хәрби комиссариатында Россиядә хәрби комиссариатлар төзелүнең 100 еллыгына багышланган тантана үтте

Бүген Зәй хәрби комиссариатында Россиядә хәрби комиссариатлар төзелүнең 100 еллыгына багышланган тантана үтте. Хәрби комиссариат хезмәткәрләрен, ветераннарны район башлыгы Р.Г. Кәримов котлады. Тантанада аның урынбасары В.Г. Акатьев, район Башкарма комитеты җитәкчесе И.Ф. Хафизов катнашты. Бүгенге көндә Зәй хәрби комиссариатын хәрби комиссар А.Ф. Әгъләмҗанов җитәкли. 18 хезмәткәрдән торган коллектив алар алдына куелган бурычларны уңышлы үти. Гражданнарны хәрби хезмәткә чакыру һәм контракт нигезендә хәрби хезмәткә алу йөкләмәләре арттырып үтәлә. Зәй хәрби комиссариаты - республикада яхшы эшләүче хәрби комиссариатларның берсе санала. Тантанада күпьеллык нәтиҗәле хезмәтләре, вазифаи бурычларын намус белән үтәгәннәре һәм хәрби комиссариатлар оешуның 100 еллыгы уңаеннан бер төркем хезмәткәрләргә район башлыгы Мактау грамоталары һәм район Башкарма комитеты җитәкчесенең Рәхмәт хатлары тапшырылды.