Инспекторлар балалар белән очрашты

Зәйнең юл хәрәкәте иминлеге дәүләт инспекциясе хезмәткәрләре эчке эшләр бүлегенең балигъ булмаганнар эшләре буенча инспекторлары белән берлектә район мәктәпләрендә булдылар. Очрашуның максаты мәктәпләрдә булып, балаларга юл йөрү кагыйдәләрен тагын бер кат искәртү буенча профилактик сөйләшүгә нигезләнгән иде. Балалар инспекторларга үзләрен кызыксындырган барлык төр сорауларны бирә алдылар.Профилактик чараларда 3,5,6 һәм 7 нче мәктәпләрдән 110 бала, 15 педагог катнашты. Иң актив һәм кагыйдәләрне яхшы белүчеләргә яктылыкны кире кайтаручы элементлар беркетелгән сумкалар тапшырдылар.