Иске Маврин һәм Сәвәләй авылы җирлекләрендә халык җыеннары үтте

2 нче мартта Зәй районының Иске Маврин һәм Сәвәләй авылы җирлекләрендә чираттагы халык җыеннары булды. Анда муниципаль район башлыгы Р.Г.Кәримов, аның урынбасары В.Г.Акатьев, авыл хуҗалыгы һәм азык-төлек идарәсе җитәкчеләре һәм белгечләре, халыкка хезмәт күрсәтү идарәсе вәкилләре, участок полициясе һәм хакимиятнең җаваплы хезмәткәрләре катнашты. Утырышларда узган елда авыл җирлекләрендә башкарылган эшләргә нәтиҗә ясалды һәм алдагы елга куелган планнар каралды, күп санлы сорауларга турыдан- туры җавап алу мөмкинлеге булды.