ЯҢАЛЫКЛАР

22 июльгә 300 гектарда арыш, 1400 гектарда көзге бодай урып җыелган. 900 тонна-арыш, 3700 тонна көзге бодай суктырылып амбарларга кергән.

Иске Зәй бистәсе кубогына минифутбол буенча яшүсмерләр арасында турнир үтте. Анда дүрт команда катнашты. “Динамо”, “СХТ”, “Team-Pro”, “Mercurial” камандалары өч көн дәвамында кубокка ия булу өчен җанын биреп уйнады. Нәтиҗәдә “Динамо” командасы җиңүче булды. “Mercurial” – икенче, “СХТ” өченче урынга лаек дип табылды.

Бүген Зәйнең үзәк китапханәсендә традицион Сөббух Рәфыйков исемендәге премияне агымдагы ел лауреатларына тантаналы төстә тапшыру булды. Районыбызда зур премиягә лаек булган, моңа кадәр инде Россия, Татарстан күләмендәге олы бүләкләр иясе, ТР филология фәннәре докторы, академик Хатыйп Миннегуловка һәм Зәй телевидениесенең татар бүлеге коллективына махсус сертификатларны район башкарма комитеты җитәкчесе Разиф Кәримов тантаналы төстә тапшырды

4 -11 июльдә Сочи шәһәрендә “Иҗат кыясында” исемле халыкара бәйгедә Зәй шәһәреннән “Легенда” бию коллективы катнашты. Әлеге фестиваль 9 тапкыр уздырыла. Бу фестивальдә күпкенә Россия шәһәрләре катнашты.Шулардан Саратов, Рыбинск, Түбән Новгород, Череповец, Мәскәү,Хабаровский һәм башкалар.

21-22 июль көнне “АК Барс Питрәч” Агрофирмасы базасында сыер савучыларның 42 нче республика бәйгесе үткәрелә. Безнең районның данын “Зәй шикәре” агрофирмасы бүлекчәсе сыер саву остасы Ишмянова Зинаида яклаячак.

18-19 июль көннәрендә Аксар һәм Чыбыклы җирлекләрендә футбол буенча “Сәләмәтлек” спорт уеннары кыссаларында үтә торган ярышларның зона уеннары үтте. Беренче көнне уенда 3 команда катнашты: Аксар, Пәнәче һәм Бигеш авыллары җирлекләре командалары. Финалга Аксар һәм Бигеш командалары чыкты.

19 июльдә Р.Ш. Фәрдиев исемендәге паркта “Йөрәктән йөрәккә” дип исемләнгән хәйрия концерты булып үтте. Мондый концерт беренче тапкыр гына оешмый, аннан алда ике Зәйлегә булышлык күрсәтелгән иде инде.

15 июльдән Зәйнең “Яшьлек” боз сарае спорт мәйданчыгында мини-футбол буенча яшьләр арасында ярышлар башланды. Анда районнан 12 команда катнаша. Беренче көндә “Олимп” белән “Барс 35” командалары очрашып, 4:1, “Яңа шәһәр” белән “Иске Зәй” командалары 2:1 исәбенә уйнадылар. 16 июльдәге “Атлетик” белән “Арарат” уены - 3:1, ә “Олимп-2” белән “Барс 35-2” уены 2:2 исәбе белән төгәлләнде.

22 июль көнне туган якны өйрәнү музее “Пионер хәрәкәте тарихы” дигән темага бик олы күргәзмә оештырырга җыена. Барлык халык карамагына музейда булган пионер хәрәкәтенә кагылышлы экспонатлар күрсәтеләчәк: пионер галстугы, значоклар, символик әйберләр, флаг, боргы һәм башкалар.

Зәй районында урып-җыюда тәҗрибәле механизаторлар белән бергә яшь комбайнчыларның да күп булуы куандыра. “Алга” бүлекчәсе кырларына 9 яшь комбайнчы чыккан иде. Аларга яшьләр эшләре идарәсе белгече Фаил Гыйниятов “Яшьләр экипажы” исеменнән махсус кепкалар таратты, уңышлар теләде. Ә алга таба аеруча нәтиҗәле эшләүче яшьләрне стимуллаштыру максатыннан кырларга