ЯҢАЛЫКЛАР

20 - 26 июльдә Изге Болгар җирендә беренче тапкыр Бөтенроссия мөселман яшьләре форумы үтте. Анда Татарстаннан, шулай ук Россиянең, нигездә, Идел буе федераль округы төбәкләреннән һәм Кырым Республикасыннан 18-30 яшьтәге 80 нән артык егет һәм кыз катнашты

18-19 июль көннәрендә Аксар һәм Чыбыклы авыллары җирлегендә “Сәләмәтлек” спартакиадасы зачетына район футбол командалары арасында район беренчелегенә ярышлар булып үтте.

Зәйдә күпкатлы йортларның җаваплылары белән үткән киңәшмәдә кайсы ишегалдында төзекләндерү чараларының тиешле дәрәҗәдә башкарылмавы, кышка әзерлек максатында җылылык, су, канализация челтәрен төзекләндерүгә кагылган мәсьәләләр күтәрелде.

Узган шимбәдә Зәй районының Якты Күл авылында Казанская бәйрәмен билгеләп үттеләр. Биредә аны шушы авылның пристольный бәйрәме буларак, 19нчы тапкыр оештырдылар.
- Халык Казанскаяны 21 июльдә православие дине бәйрәме буларак билгеләп үтәргә күнеккән.

27 июльгә район буенча 5,8 мең гектар бөртекле культуралар җыеп алынган. Ул барлык мәйданның 14,5 процентын тәшкил итә. 16 мең тонна ашлык суктырып алынган, уңыш һәр гектардан 27,7 центнер.

Зәйдә 2015-2016 еллар көзге-кышкы чорына әзерлек йөзеннән җылылык челтәрендә төзекләндерү эшләрен ГРЭС алып бара. Бүгенге көнгә предприятие көче белән Казан урамында 400 метр арада яңа торбалар салынып, аның өске өлешен тәшкил иткән 784 квадрат метр мәйдан төзекләндерелде.

Берничә сәгать элек кенә "Татнефть-Арена" боз сараенда Су спорты төрләре буенча дөнья чемпионаты ачылды. Тантанада Россия Президенты Владимир Путин, Татарстан Президенты вазифаларын вакытлыча башкаручы Рөстәм Миңнеханов FINA Президенты Хулио Маглионе да катнаштылар.

25 июльгә районда 3650 гектарда көзге культуралар суктырылды, 10126 тонна бөртеклеләр җыеп алынды. Бу барлык мәйданның 9,1 проценты . Әлегә уңыш һәр гектардан 27,7 центнер тәшкил итә. Икмәк кабул итү үзәкләренә 4500 тонна ашлык тапшырылды.

24 июль көнне С.Рафиков исемендәге үзәк китапханә хезмәткәрләре үзәк район хастаханәсендә булып “Сугыш һәм музыка” исемле әдәби-музыкаль кичә үткәрделәр.Чарада катнашучылар сугыш чорындагы шагырьләр һәм композиторларның иҗаты белән таныштылар.

Урып-җыю эшләре белән бер рәттән районыбыз хуҗалыкларында көзге культураларны чәчү өчен җир мәйданнары әзерләнә. Бүгенгесе көнгә 14500 гектар җир әзерләнгән. Шулай ук сидераль пар җирләре эшкәртелә. Район хуҗалыкларында люцерна чәчү тәмамланды.