ЯҢАЛЫКЛАР

Имәнлебаш мәдәният йортында сезон ачылуга карата "Чордашларым -кордашларым "дигән тематик кичә узды. Очрашуга еракта яшәүче авылдашлары чакырылган иде. Ерак араларны якынайтучы бу матур традиция ел саен дәвам итә. Кичәдә катнашучылар үзләренең моңлы жырларын, биюләрен бүләк иттеләр. Кичәне Рузалия Хафизова төрле уеннар белән чиратлаштырып, бик мавыктыргыч итеп алып барды. Бәйрәм кичәсе һәркем күңеленә хуш килде.

16 нчы октябрьда “Күренекле зәйлеләр” залында Илфат Кыям улы Имамиевның юбилее уңаеннан аның шәкертләре (алар арасында М.В.Данилов та бар ) күргәзмә оештырдылар.Илфат Кыямович 1964 елдан ирекле көрәш белән шөгыльләнгән, 1970 елдан “Октябрь ” мәдәният йорты спорт залында үзенең тренерлык эшен башлап җибәргән. Биш ел дәвамында аның кул астында шөгыльләнүчеләр үзләрен ярышларда беркайчан да сынатмадылар, республика күләмендә герой шагыйрь Муса Җәлил призына үтүче татар-башкорт көрәшләрендә алдынгы урыннарны яуладылар. 1989 нчы елда күпьеллык һәм нәтиҗәле хезмәте өчен, Илфат Имамиев “Татарстан Республикасының атказанган физкультура хезмәткәре» дигән исемгә лаек булды.

Татарстан Республикасы Үзәк сайлау комиссиясе (7 нче чакырылыш)Россия Федерациясе Дәүләт Думасы депутатларын сайлау нәтиҗәләре буенча республиканың территориаль сайлау комиссияләре җитәкчеләре белән берлектә киңәшмә уздырды. Киңәшмәдә Татарстан Республикасы Дәүләт Советы рәисе Ф.Х.Мөххәммәтшин,Татарстан Республикасы Дәүләт Советы рәисе урынбасары Юрий Камалтынов,Татарстан Республикасы Президенты Аппараты җитәкчесе урынбасары -Татарстан Республикасының территорияләр белән эшләү бүлеге идарәсе башлыгы Илнур Гариповлар катнашты. Киңәшмә котлау тантанасы белән тәмамланды. Татарстан Республикасы Президенты Р.Н.Миңнеханов Рәхмәте Зәй шәһәре территориаль сайлау комиссиясе рәисе Ландыш Госман кызы Ананьевага тапшырылды. «Иң яхшы информацион аңлату эшчәнлеге» республика конкурсы нәтиҗәләре буенча «Яшьләр һәм сайлау!» номинациясендә җиңүче дип, Зәй районы территориаль сайлау комиссиясе билгеләнде. «Бердәм эш-уңыш нигезе» номинациясендә Зәй шәһәр сайлау комиссиясе җиңүче,- дип табылды.

Бүген Зәйдә Татарстан Республикасы Президенты Р.Н.Миңнеханов катнашында "Алнаши-Бөгелмә"тимер юлы аша үтүче 270 метр озынлыгында яңа юл үткәргеч - күпер ачу тантанасы булды. Чарада Татарстан Республикасы Транспорт һәм юл хуҗалыгы министры Л.Р.Сафин, Зәй муниципаль районы башлыгы Р.Г.Кәримов, Куйбышев тимер юлы башлыгы С.В.Соложенкин, Татарстан Республикасы "Күперләр"ААҖ генераль директоры Р.С.Мухьянов, башка чакырылган кунаклар, предприятие, оешма җитәкчеләре һәм хезмәткәрләре катнашты. Р.Н.Миңнеханов зәй халкын бүгенге зур вакыйга - күпер ачылу тантанасы белән котлады. Күперне җиткерүдә катнашкан барлык предприятие һәм оешма җитәкчеләренә һәм хезмәткәрләренә олы рәхмәтен белдерде.Анда катнашучыларга Татарстан Республикасы Президенты,Татарстан Республикасы транспорт һәм юл хуҗалыгы министры, Зәй муниципаль районы башлыгы, Татарстан Республикасы"Күперләр"ААҖләренең Рәхмәт хатлары һәм Мактау кәгазьләре тапшырылды. Район башлыгы Р.Г.Кәримов Татарстан Республикасы бюджетыннан тормышка ашырылган 756 миллион сумлык бу зур күләмле президент проекты өчен Татарстан Республикасы Президенты Р.Н.Миңнехановка, барлык зәйлеләр һәм шәхсән үз исеменнән зур рәхмәтен җиткерде. Кыска вакыт эчендә эшне сыйфатлы һәм нәтиҗәле итеп башкаручыларга тагын бер кат рәхмәт әйтеп, эшләрендә уңышлар теләде. Зәебезне тагын да ямьләндергән бу күпер, аның тарихында зур вакыйга булып калыр! - диде.

Бүген район башкарма комитеты урынбасары Н.А.Нифатов рәислегендә стандарт булмаган ситуацияләр буенча чираттагы комиссия утырышы узды. Җыелган комиссия членнары һәм чакырылганнар 10га якын шундый очракны карадылар. Чарада хокук белгечләре, социаль хезмәткәрләрнең катнашуы мөһим роль уйный. Комиссия утырышының нәтиҗәләре уңай булыр дип көтелә.

“Ялта-Зәй”дә чаңгы роллер юлын төзү буенча киңәшмә үтте. Аны район башкарма комитеты урынбасары Николай Нифатов алып барды. Төзү- мантажлау эшләре тулысынча тәмамланды. Тирә-юньне чистартып, документация эшен ясап бетерәсе калды.

Бүген хакимияттә район Башкарма комитеты җитәкчесе И.Ф.Хафизов җитәкчелегендә , мәгариф бүлеге, хәрби комиссариат һәм башка кызыксынган ведомстволарның җитәкчеләре катнашында "Юнармия" Бөтенроссия балалар-яшүсмерләр хәрби-патриотик иҗтимагый хәрәкәте Зәй бүлеге мәктәп отрядларының беренче муниципаль слетын үткәрү нәтиҗәләре буенча киңәшмә узды.Киңәшмәдә шәһәр хәрби комиссары А.Ф.Әгъләмҗанов чыгыш ясады.

10-28 нче октябрьга кадәр 4 нче мәктәптә Зәй районы белем бирү оешмалары җитәкчеләре өчен «Менеджмент» һөнәри яңадан әзерлек программасы буенча 1 нче сессия үтә. Лекцияләрне ЯР Чаллы дәүләт педагогика университеты укытучылары Р.Р. Мөхәммәтҗанов һәм Т.Ф.Бабынина алып бара.

«PROFF-навигатор» проекты кысаларында, халыкны хезмәт белән тәэмин итү үзәге хезмәткәрләре балалар бакчаларының әзерлек группалары белән очрашуларын дәвам иттеләр. Бүген үткән “Һөнәрләр дөньясында” дип аталган чарада “Урман әкияте” балалар бакчасында тәрбияләнүчеләр катнашты. Балалар киләчәктә үзләренең нинди һөнәр сайлаулары турында сөйләштеләр. Чарада катнашучыларга истәлекле сувенирлар тапшырылды.

Шушы көннәрдә “Зәй шикәре” агрофирмасының Поручик авылында сыерлар, Сәвәләй авылында бозаулар тоту урыннары тулысынча төзекләндерелде. Хезмәт куючылар өчен дә бөтен эш шартлары тудырылган. Республика Механик мастерскойларны капиталь төзекләндерү Республика программасы нигезендә “Зәй” агрофирмасының Сәрәпәле һәм Сарсаз- Баграж авылларында төзекләндерү эшләре дәвам итә. Хәзерге вакытта түбә ябу һәм койма кую эшләре башкарыла һәм 20 нче октябрьга эшләр тәмамланыр,- дип көтелә.