ЯҢАЛЫКЛАР

22 август илебездә дәүләт флагы көне үткәрелә. Әлеге уңайдан үзәк китапханәдә “Безнең герб һәм флаг дан белән сугарылган” дигән темага китап күргәзмәсе эшли башлады

Зәй районы авыл хуҗалыгы хезмәтчәннәре шикәр чөгендере алуга кереште. Беренчеләрдән булып кырлардан татлы тамыр азыкны җыюны “Зәй шикәре” агрофирмасының “Рассвет” бүлекчәсе механизаторлары башлады. Хәзер аларга “”Восток” һәм “Зәй” агрофирмалары бүлекчәләре дә кушылды.

18 -23 августта шәһәребездә хоккей буенча Республика көненә багышланган турнир үтәчәк. Ул 2005 елгы яшьүсмерләр арасында була. Катнашучылар Россиянең 8 төбәгеннән килә: Зәй, Әлмәт, Яр Чаллы, Түбән Кама, Уфа, Чиләбе, Астана шәһәреннән яшь спортчылар үзләренең көчләрен сынаячак.

17 августта Зәйдән 80 кешелек делегация Кырымга юл тотты. Биредә 19-29 августта “Алтын Мәйдан Кырым” халыкара иҗат фестивале үтә. Татарстан белән Кырым арасындагы багланышларны ныгыту, мәдәни мирасыбыз белән уртаклашу турындагы республика җитәкчелеге миссиясен тормышка ашыруга зәйлеләр дә өлеш кертә.

Зәйнең яшьләр эшләре идарәсе яшәү урыны буенча "Яшьлек" клубында балалар арасында кул эшләре шөгыльләре оештырды. Алар республика көненә багышлап открыткалар ясады, эш барышында педагоглар аларга Татарстаныбыз турында кызыклы мәгълүматлар җиткерде.

7-9 август көннәрендә Менделеевск шәһәрендә бил көрәше буенча Ибраһим Миндар улы Галимов истәлегенә багышланган республика турниры булып үтте. Ярышларга төрле яшьтәге көрәшчеләр чакырылган иде. “Зәй” яшьүсмерләр спорт мәктәбе спортчысы Екатерина Бусова җиңүгә омтылыш күрсәтеп турнирның җиңүчесе булды.

Районыбыз игенчеләре : арыш, көзге бодай һәм арпа культураларын җыеп алуны төгәлләделәр. Район буенча 70 процент игеннәр суктырып алынды. Уңыш һәр гектардан 26,9 центнер тәшкил итә.Бу республикада 4 күсәткеч

Россиядә әдәбият елы. Зәйдә “Әдәби йорт” проектының бу сезонда соңгы чарасы үтте. Аны үзәк китапханә хезмәткәрләре оештырды. Кичәдә барлык килгән кеше катнаша ала. !3 августта Ленин урамының 29 йорты каршында оештырылган кичәдә китапка багышланган иде.

Тиздән, бик тиздән мәктәпләрдә яңа уку елы башлануын искәртеп, дәрескә дәшеп, беренче кыңгыраулар чыңлаячак. Тәүге мәртәбә белем йорты бусагасын атлап керүче беренчеләр өчен ул аеруча дулкынландыргыч. Быел районда 580 бала беренче сыйныфка укырга бара. Матур мәктәп формаларыннан, букчалар асып, беренче дәрескә килү көннәрен алар зарыгып көтә

16 августта Р.Ш. Фәрдиев исемендәге ял паркында шәһәр мәдәният йорты талантлары концерты булды. Концерт “Хөрмәтебез якташларга!” дип аталды һәм Россиядә әдәбият елы, Зәй районында Хезмәт кешесе Елына багышланды.