“Зәй-ТВ” тиздән «Татарстан-24» челтәренә күчә

Республиканың «Татарстан-24» мәгълүмати каналы 2016 елның 30 мартында массакүләм мәгълүмат чарасы булып теркәлгән иде. Чыбыклы челтәр буларак, июнь аенда Роскомнадзор лицензиясенә ия булып, 30 августта эфирга чыкты. Беренче көннәреннән үк язмалар әзерләү һәм сигнал трансляциясе НD форматында башкарылды. «Татарстан-24»нең төп концепциясе – тәүлегенә 24 сәгать һәм һәр сәгать саен республика яңалыкларын халыкка ирештерү», – диде матбугат конференциясендә «ТАТМЕДИА» АҖ генераль директоры Андрей Кузьмин, телеканалда ике теллелек принцибы саклануын белдереп. Бу гамәл төбәк каналларын саклап калу ниятеннән эшләнә. «Татарстан-24» телеканалының «челтәр» тарихы старт алды инде. Яшел Үзәндәге «Зеленый Дол» телеканалы беренчеләрдән булып, «ТВ Центр» федераль партнерын республиканың «Татарстан-24» телеканалына алмаштырды. 2017 ел дәвамында Биектау, Яр Чаллы, Түбән Кама, Зәй, Әлмәт, Лениногорск, Нурлат, Баулы һ.б. төбәк телекомпанияләренең бердәнбер челтәр партнеры итү буенча эш дәвам итә. “Зәй-ТВ” телеканалы СТСтан агымдагы елның апрель-май айларында күчәчәк. Нәтиҗәдә “Татарстан-24» мәгълүмати каналында республиканың 10 эфир телеканалы эшләячәк.