Аппарат киңәшмәсе

Бүген хакимиятенең зур залында район башлыгы Р.Г.Кәримов җитәкчелегендә аппарат киңәшмәсе үтте. «Свияжск утрау-шәһәре һәм борынгы Болгар", Мәдәни мирасы комплекслы проектын гамәлгә ашыруда, Болгар ислам академиясе һәм Казан мәрьям Ана иконасы Соборын үзгәртеп коруда катнашканнары өчен, муниципаль район башлыгы Р. Г. Кәримов; район Башкарма комитеты җитәкчесе И. Ф. Хафизов; җирле үзидарә органнарында озак еллар эшләп лаеклы ялга чыккан Н.П.Саватеева; «Бердәм Рәсәй» партиясе Зәй җирле бүлеге башкарма комитетының баш белгече Е. Г. Гайсина; "Зәй шикәре" ААҖ коллективы ( генераль директоры Ш. Б. Минһаҗев); "Зәй район үзәк хастаханәсе" коллективы (баш табиб Р.Р.Әмиров); "Мефро уилз Руссиа Зәй заводы " ҖЧҖ коллективы (генераль директоры И. Р. Давыдов); Зәй муниципаль районы башкарма комитеты Яшьләр эшләре буенча муниципаль казна учреждениесе коллективлары ( идарә башлыгы Е. Н.Павлова) Татарстан Республикасы Дәүләт Киңәшчесе М. Ш. Шәймиевнең Рәхмәт хатлары белән бүләкләнделәр. Бөтенроссия авыл хуҗалыгы исәбен алуны оештыруда куйган хезмәтләре өчен, район башлыгы Р.Г.Кәримов, район башлыгы урынбасары В.Г.Акатьев, башкарма комитет җитәкчесе И.Ф.Хафизов, авыл хуҗалыгы һәм азык-төлек идарәсе башлыгы А. Н.Галиәхмәтов, ветераннар Советы рәисе М. С. Хүҗин, Бигеш авыл җирлеге башкарма комитеты икътисадчысы Н.Г.Ханнанова, Сарсаз-Баграж авылы җирлеге башкарма комитеты хисапчысы З.А.Утягановалар Федераль дәүләт статистика хезмәте медальләре белән бүләкләнделәр. 2004-2005 елларда туган яшьүсмерләр арасында «А.В.Тарасов исемендәге Алтын алка» Бөтенрәсәй яшь хоккейчылары клубы Республика этабы ярышларында җиңүче кубогы “Яшьлек” командасына тапшырылды. Район башлыгы Р. Г. Кәримов киңәшмәдә катнашучыларны яңа эшкә билгеләнгән Зәй районы һәм Зәй шәһәре буенча ведомстводан тыш сак идарәсе башлыгы И. А. Мәрдәнов белән таныштырды. Киңәшмәнең көн тәртибендә 13-26 нчы февральдә шәһәрдә һәм районда оператив вазгыять ; Авыл хуҗалыгында эш торышы буенча мәгълүмат; 13-26 февральдә янгын куркынычсызлыгын тәэмин итү буенча мәгълүмат; Милек һәм җир мөнәсәбәтләре палатасының 2016 елда эшләнгән эшләренә нәтиҗә һәм 2017 елга куелган планнары буенча мәгълүмат тыңланды. Р.Г.Кәримов аппарат киңәшмәсенә йомкак ясап, район һәм шәһәрдәге тротуарларны, юлларны һәм йорт яны территорияләрен кардан чистартуны даими контрольдә тоту кирәклеген тагын беркат искәртте.