Экстремистик материаллар таратуга юл куелмый

Зәй шәһәр прокуратурасы системалы төстә экстремистик гамәлләргә каршы чаралар турында закон таләпләре үтәлешен контрольдә тота. Интернет челтәрендәге сайтларны күзәтү барышында федераль исемлеккә экстремистик материал буларак кертелгән берничә публикациянең куелуы ачыклана. Әлеге материаллар 4 сайтта ачыктан-ачык карау мөмкинлеге булган формада урнаштырылган. Ә РФ территориясендә мондый эчтәлектәге материалларны ясау, саклау, тарату закон белән тыела. Хәзер әлеге 4 сайт суд карары белән туктатылды. Бер үк вакытта Роскомнадзорга әле сайтларга керүне чикләү максатында Бердәм реестрга кертү өчен суд карары нөхсәсе җибәрелде. Шәһәр прокуратурасы.