Студентлар көне белән!

25 гыйнвар - Россиядә студентлар көне булу уңаеннан, район башлыгы Р.Г.Кәримов районыбыз студентларына үзенең ихлас күңелдән әйтелгән теләкләрен һәм җылы котлау сүзләрен җиткерә. Кадерле студентлар! Бүген районыбыз үсешендә хәлиткеч роль уйнаучы сәләтле яшьләргә үсәр өчен барлык мөмкинлекләр дә булдырылган. Белем бирү сыйфатын арттыру, яшьләрнең ял сәгатьләрен оештыру һәм сәламәт яшәү рәвешен көн үзәгенә куюга зур игътибар бирелә. Бүген күбегез фән өлкәсендә зур уңышларга ирешә, халыкара дәрәҗәдәге бәйгеләрдә һәм олимпиадаларда җиңү яулый. Уку дәверендә алган белемнәрегез сезнең өчен файдалы гына түгел, ә тормышта үз урыныгызны табарга ярдәм итсен. Сезнең арагыздан заманча белгечләр, оештыручылар һәм җитәкчеләр чыгуына ышанам. Бүгенге бәйрәм яшьләр өчен генә түгел, ә алар белән эшләүче, укытучы һәм тәрбиячеләрнең дә бәйрәме булып тора. Укуыгызда һәм хезмәтегездә уңышлар, күңелле вакыйгаларга бай тормыш, сәламәтлек һәм иминлек телим!