Зәйлеләр республиканың иң яхшы белгечләре арасында

Бүген Татарстан Республикасы Авыл хуҗалыгы һәм азык-төлек министрлыгында «Татарстан Республикасы агросәнәгать комплексының иң яхшы белгече» республика конкурссында җиңүчеләрне бүләкләү тантанасы узды. Чарада ветеринария табиблары, инженер,агроном,икътисадчы, хисапчы һәм кадрлар бүлеге хезмәткәрләре катнашты. Конкурста җиңүчеләргә грантларны Татарстан Республикасы Авыл хуҗалыгы һәм азык-төлек министры урынбасарлары Николай Титов, Нәҗип Хаҗипов, Илдус Габдрахманов, Тәлгать Таһирҗанов, Марат Җәббаров һәм Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдиновлар тапшырды. Алар арасында Зәйдән «Зәй» агрофирмасы «Алга» бүлекчәсе әйдәп баручы агрономы Раиф Гомәр улы Вәлиев, «Зәй шикәре»агрофирмасы баш икътисадчысы Венара Валериевна Габидуллина, кадрлар бүлеге әйдәп баручы белгече Рәисә Хәйрулловна Мусина һәм «Восток» агрофирмасы әйдәп баручы инженеры Александр Михайлович Романовлар бар иде.