Район башлыгы хуҗалыкларда

Һәр сишәмбе көнне район башлыгы Р.Г.Кәримов район бүлекчәләрендә булып, эш торышы белән якыннан таныша. Бу чарада авыл хуҗалыгы идарәсе башлыгы А.Н.Галиәхмәтов,бүлекчә җитәкчеләре һәм белгечләре катнаша. Бу атнада район җитәкчесе “Нива” ҖЧШ, “Восток” агрофирмасы, аның «Үрнәк»һәм «Мәлем» бүлекчәләре, «Игенче», «Тукай» бүлекчәләре, «Зәй»агрофирмасының «Ялкын», «Нур», «Шепкә», «Зәй шикәре»агрофирмасының «Заман», «Сәрәпәле», «Сәвәләй», «Родина» һәм башка бүлекчәләрендә булырга өлгерде. Район башлыгы бу хуҗалыклардагы машина- трактор паркларының торышы,сөт җитештерү комплексларындагы эш торышы, мөгезле эре терлекләрне тукландыру мәсьәләләре белән кызыксынды, терлекчелек продукциясенең сыйфатлы булырга тиешлеге хакында ассызыклады. Ноябрь ае эшчәнлегенә нәтиҗә ясалды, декабрь аена бурычлар билгеләнде.