“Көзге байлык”

Өлкәннәр көнен билгеләп үтәр алдыннан, “Шатлык” халыкка социаль хезмәтләр күрсәтү бүлеге хезмәткәрләре аралашу клубында “Игелекле очрашулар” дип аталган чара үткәрделәр. Бәйрәм алдыннан, Сарсаз-Баграж авылы клубына социаль хезмәтләрдән кулланучылар һәм авыл җирлегенндә яшәүче өлкәннәр чакырылган иде. Алар өчен социаль хезмәтләр күрсәтү бүлеге һәм район мәдәният йорты хезмәткәрләре көзге уңыш күргәзмәсе оештырдылар. Күргәзмәгә үз җиләк-җимешләре һәм яшелчәләрен алып килгән иң актив катнашучыларга истәлекле бүләкләр тапшырылды. Өлкәннәр мул чәй өстәле янында үзара аралашып, тәмле ризыклар белән сыйландылар. Чара өлкәннәр күңелендә бер матур истәлекле мизгел булып озак сакланыр.