Авыл җирлеге башлыклары сайланды

Бүген Кадер, Поповка,Поручик, Якты Күл, Иске Маврин авылларында яңа авыл җирлеге башлыклары сайлап куелды. Кадер авылы җирлеге башлыгы итеп, физика һәм инфарматика фәннәре укытучысы булып эшләгән Рәис Миңнерифкать улы Нуруллин, Поповка авылы җирлеге башлыгы итеп, Поповка авылы җирлеге башкарма комитеты җитәкчесе вазыйфаларын башкарган Руслан Рафаил улы Хәбибуллин, Поручик авылы җирлеге башлыгы итеп, Поручик авылы җирлеге башкарма комитеты җитәкчесе вазыйфаларын башкарган Петр Сергеевич Уразайкин, Якты Күл авылы җирлеге башлыгы итеп, Якты Күл гомүми урта белем бирү мәктәбе директоры булып эшләгән Зиннур Заһир улы Мөхтәров, Иске Маврин авылы җирлеге башлыгы итеп Сәвәләй гомүми урта белем бирү мәктәбендә физика һәм инфарматика фәннәре укытучысы булып эшләгән Венера Миндаровна Михайлова сайлап куелды. Утырышта муниципаль район башлыгы В.Г.Акатьев һәм башка җаваплы хезмәткәрләр катнашты.