Зәйдә “Заман” промышленность паркында элеватор төзү кызу темплар белән дәвам итә.

Зәйдә “Заман” промышленность паркында элеватор төзү кызу темплар белән дәвам итә. Элеватор тирән казып урнаштырылган свайларга урнаштырыла.Бүгенге көндә төзелешкә 3100 кубометр бетон китерелгән булса, барлык планлаштырылган эшләрне тәмамлау өчен тагын 9000 кубометр бетон ныгытма кирәк була.Элеватор тулысынча төзелеп бетүгә 24 е 5000 тонна, ә 11е 3000 тоннага исәпләнгән 35 ашлык салу урыны урнаштырылачак.Төзелеп килүче элеваторны «Воронежсельмаш”авыл хуҗалыгы корылмалары җитештерүче ҖЧШ тәэмин итә. Бүгенге көнгә күп санлы кору эшләре белән беррәттән, 260 тонна метал корылма төзекләндерелгән инде.Элеваторга газ, су үткәрелгән, якын киләчәктә канализация һәм электр үткәрү эшләре башкарылачак. “Заман” паркын төзүдә Татарстанлылар белән беррәттән, Мари Эл, Башкортстан һәм Чувашия кебек күрше республикалардан килгән төрле һөнәр ияләре дә катнаша. “Бу территориядә 150 000 тоннага исәпләнгән элеватор, 50 000 тонна җитештерү мөмкинлеге булган май заводы, 100000 тонна җитештерүгә исәпләнгән сөт заводы һәм мөгезле эре терлек эшкәртү заводлары эшләячәк. 69 000 тоннага исәпләнгән төрле авыл хуҗалыгы культураларын кабул итү, саклау, чистарту һәм киптерү эшләрен башлап җибәрү 2017 елның беренче яртыеллыгына планлаштырыла.