Чәчәкләр куелды.

2016 елның 23 мартында Җәүдәт Әхмәтҗановка куелган мемориаль такта чәчәк бәйләмнәренә күмелде. 1972 елның 23 ноябреннән 1977 елның 17 июленә кадәр Җәүдәт Әхмәтҗанов Зәй районы партия комитетының беренче секретаре булып эшли.Ул елларда Зәй районы структурасын үзгәртеп кору буенча күп үзгәрешләр була. 1973 елдан Зәй ГРЭСЫ тулы күләмдә эшли башлый, тәгәрмәчләр җитештерү заводы төзелә. 1976елда промышленность төзү комбинаты, кондитер фабрикасы, сөяк заводы төзелә, тимер-бетон корылмалар заводы үзенең җитештерүчәнлеген тагында арттыра. Барлыгы ике бүлмәле 150 каттедж җиткерелеп куллануга тапшырыла. Ул Бөек Ватан сугышында катнашып,”Батырлык өчен”,”Берлинны алган өчен”, “Праганы азат иткән өчен”, “Германияне җиңгән өчен” һәм башка бик күп төрле медальләргә лаек булган шәхес. Җәүдәт Әхмәтҗановны искә алу чарасында Зәй муниципаль районы ветераннар Советы рәисе М.С.Хуҗин катнашты.