Зәйдән 5 укучы Татарстан иреклеләре форумында катнашты

8-10 сентябрьдә Казанда Х иреклеләр форумы узды. Форумда 36 районннан 140 катнашучы җыелган. Форумның максаты-ирекле теләк белдерүчеләрнең Татарстан Республикасында киң колач алуын тәэмин итү. Катнашучылар арасында шәһәребезнең 4 мәктәбеннән Лиза Токмашева, Нина Ефтифеева, Настя Липовских, Кирилл Петров һәм Егор Давыдовлар да бар иде.
Катнашудан онытылмас истәлекләр алып кайтканнар. Анда бәяләп бетергесез тәҗрибә аласың. 15 якын тренинг үткәрелде һәм алар һәрберсе онытылмас эз калдыра – дип искә алалар катнашучылар. Иң истә калганы Рязань шәһәреннән Александр Буров ясаган тренинг булды. Ул үзе инвалид 28 яшьтә. Шуңа да карамастан бик күп йөри. Ул “Инвалидларга – яңа караш” дигән темага чыгыш алып килгән. Ике сәгать буена ябык күзләр белән тренинг үттек.
Өйгә игелек эшләүнең никадәр кирәклегенә инанып, зур ышаныч белән кайттык. Хәзер игелек эшләү безнең тормыш приниөибына әйләнде – ди катнашучылар.