Зәй укучылары комбайнчы һөнәре белән танышт

Профессия сайлау өлкәсендә Сәвәләй мәктәбендә укучыларга укытучылар булыша. Бу өлкәдә төрле чаралар үткәрелә. Аларның күбесе эш урыннарында, чөнки балаларга шулай ошый төшә.
Әле күптән түгел 5 сыйныф укучылары “Зәй шикәре” агрофирмасының “Сәвәләй” бүлеге кырларында хезмәт итүче механизаторлар белән танышып, комбайнчы эше белән таныштылар, руль артына утырып кабинада булган җиһазларны карадылар. Балалар техниканы әкияттәге “Трансформерлар” белән чагыштырдылар.
Быел Зәй районында Хезмәт кешесе Елы билгеләп үтелә- ди педагоглар. Безнең чыгарылыш укучылары эшче профессиясен үзләштерергә телиләр. Без аларга булышабыз.Чөнки эшче кеше бервакытта да югалып калмый, ул һәрвакыт җәмгыяткә кирәкле була. Мәсьәлән, безнең чыгарылыш сыйныфыннан Аркадий Брагин Казан аграр университетына укырга керде. 9 сыйныфны тәмамлаган егетләр һәм кызлар медсестра,тәрбияче,бухгалтер,повар, программист һөнәрен сайладылар.