5 мәктәп укучыларына экстремизм һәм террорчылыкның кешелеккә куркыныч китергәнен аңлаттылар

10 сентябрьдә шәһәр мәдәният йортында 5 мәктәп укучылары өчен “Экстремизм һәм террорчылык: афәт ятьмәсе” дигән темага сөйләшү булды.
Очрашу эчке эшләр Министрлыгының балигъ булмаганнар белән эшләү идарәсенең Зәйдәге бүлеге инспекторы Рәзиль Гимадиевның чыгышы белән башланып китте. Ул балаларга кешелек өчен иң куркыныч афәт китерүче явызлык экстремизм һәм террорчылык турында аңлатты. Дөньяда әлеге чир әле барлык илләрдә дә төзәлмәгән, киресенчә әле тегендә, әле монда аларның явыз баш күтәрүләре ишетелеп тора. Шуңа күрә тирә-юньгә ихтибарлы булырга өндәде. Төрле таныш булмаган төргәк һәм тартмалар күренсә, аның турында саклау органнарына шалтыратып кисәтергә кирәклеге турында сөйләде.
Чара әлеге темага видеосюжет белән тәмамланды.