Рөстәм Миңнеханов Зәйдәге "Энергия" стадионы төзелеше белән дә кызыксынды

Татарстан Президенты вазыйфаларын башкаручы Рөстәм Миңнеханов, Зәйдә республика бюджеты хисабына хәзерге вакытта төзекләндерү эшләре алып барылучы“Энергия” стадионын да карады. Биредә инде футбол кыры заманча таләпләр белән ясалды. Эш күләмен тендер нигезендә Бөгелмәнең “32нче төзелеш идарәсе” ҖЧШ отты. Искиткеч зур чыгымнар тотып ясала стадион. Бөтен кирәкле төзелеш материаллары махсус әзерләнеп читтән кайтартыла, заманча итеп эшләнә. Төзүчеләр аны югары сыйфатлы итеп башкару өчен бөтен көчне куя. “Энергия” стадионында әле алга таба утыру урыннарын, административ комплексларны яңача үзгәртү дә кирәк. Башланган эш төгәлләнергә тиеш, диде бу хакта Рөстәм Миңнеханов.