Алдан тавыш биреп була

Сайлаучы чираттагы ялы, командировкасы, эш режимы һәм укуы, дәүләт яки җәмәгать вазифалары башкаруы, сәламәтлеге торышы һәм башка мөһим сәбәпләр белән 13 сентябрь – бердәм тавыш бирү көнендә сайлау участогына килә алмый икән, ул алдан тавыш бирергә хокуклы. Алдан тавыш бирү 2–8 сентябрьдә - территориаль сайлау комиссияләре урнашкан бинада (Крупская урамы, 6нчы йорт), 9–12 сентябрьдә участок сайлау комиссияләрендә оештырыла. Эш көннәрендә алдан тавыш бирү вакыты кичке сәгать 4тән 8гә кадәр, ә ял көннәрендә көндезге сәгать 12дән кичке 4кә кадәр. Белешмәләр өчен телефоннар: 3-57-75, 7-07-84.