“Без бергә! Без булдырабыз!”

24 август көнне шундый девиз астында иске Зәй бистәсеннән кыю, актив һәм битараф булмаган яшьләр төркеме велосипедта туристик походта булдылар. Алар әлеге чараны ТАССР ның 95 һәм Татарстан Республикасының дәүләтчелегенә 25 еллыгына багышладылар. Яшьләр идарәсе оештырган әлеге поход 10 километрлы арага билгеләнгән иде. Шул арада походчылар үзәк урамнарда,туган якны өйрәнү музее янында, Бөек ватан сугышында вафат булганнар истәлегенә куелган һәйкәл янында һәм изге чишмә янында булдылар. Яшьләр шул хәтле мавыгып киттеләр, хаттә Яңа Зәйдән 15 км. араны поход алдыннан узган катнашучылар аруны сизмәделәр. Киресенчә, походта алар үзләрен бәхетле һәм тормышны яратучы киләчәк буын итеп хис иттеләр.