Зәй хуҗалыкларында “Комбайннар парады” уза

Уракны оешкан төстә, кыска срокларда, сыйфатлы итеп башкарып чыгу күп факторларга бәйле. Шуларның иң мөһиме – урып-җыю комплексының әзерлеге. Әлеге максаттан һәр елны уракка төшәр алдыннан урып-җыюда катнашачак техниканың торышы тикшерелә. Бүген район хужалыкларында “Комбайннар парады” узды. Тезелеп торучы кыр кораблары янында узган киңәшмәдә район башкарма комитеты җиткәчесе Разиф Кәримов, “АгроКөч -Төркем” АҖ генераль директоры урынбасары Ринат Гобәйдуллин, баш инженер Фәрид Хәкимов, район авыл хуҗалыгы идарәсе башлыгы Атлас Галиәхмәтов, “Россельхозцентр”ның Зәй бүлеге җитәкчесе Зәлия Тәхутдинова, “Зәй” агрофирмасы җитәкчесе Владимир Егоров, авыл хуҗалыгы һәм азык-төлек идарәсе һәм агрофирма белгечләре, механизаторлар катнашты. Ике-өч көннән механизаторлар уракка керешәчәк.. Хәерле сәгатьтә, игенчеләребез!