Зәйдә махсус хәрби операциядә катнашучыларны соңгы юлга озаттылар

Бүген Зәй районы махсус хәрби операциядә катнашкан өч кеше белән хушлашты: Дамир Рөстәм улы Әкбәров, Василий Анатольевич Мазанкин, Ротанов Роман Павлович. Матәм панихидасы «Мирный» шәһәр мәдәният йортында узды. Һәлак булганнарның туганнарына һәм якыннарына, барлык зәйлеләргә кайгы уртаклашу сүзләре белән муниципаль район башлыгы урынбасары Петр Уразайкин, республика Хөкүмәте кураторы Иван Гущин, Зәй шәһәре һәм Зәй районы хәрби комиссариатының өлкән белгеч – эксперты Георгий Борисов мөрәҗәгать итте. Хәрби хезмәткәрләр Дамир Әкбәров, Василий Мазанкин һәм Роман Ротановны соңгы юлга барлык хәрби хөрмәтләр белән озаттылар. Солдатларны бер минут тынлык белән искә алдылар. Дамир Әкбәровны Зәй-2 микрорайоны зиратына, Василий Мазанкинны Әлмәт муниципаль районының Ерак Ямаш авылы зиратына, Роман Ротановны Мирный микрорайоны зиратына җирләделәр. Геройлар истәлеге зәйлеләрнең күңелендә озак яшәр!