Район башлыгы Разиф Кәримовның өлкәннәр көне белән котлавы
Хөрмәтле пенсионерлар, өлкән буын вәкилләре, сугыш һәм хезмәт ветераннары!
Октябрьнең беренче көнендә искиткеч матур дата – Өлкәннәр көне билгеләп үтелә. Игелек, зирәклек һәм чиксез хөрмәт бәйрәме уңаеннан ихлас котлауларны кабул итегез.
Бу бәйрәм - буыннар бердәмлеге һәм дәвамчанлыгы, чорлар бәйләнеше символы. Безнең иң мөһим бурычыбыз – сезнең турыда кайгырту, лаеклы тормыш һәм ял итү өчен тиешле шартлар тудыру.
Зәй ветераннары - инициативалы, энергияле кешеләр, алар район хакына хезмәт итүләрен дәвам итәләр, иҗтимагый тормышта һәм волонтерлык эшендә катнашалар, бай тәҗрибәләрен яшьләр белән уртаклашалар. Өлкән буын вәкилләре актив тормыш рәвеше алып баралар, спорт һәм хәйриячелек белән шөгыльләнәләр, махсус хәрби операциядә катнашучыларга зур ярдәм күрсәтәләр. Без сездән еллар дәвамында тупланган балалар һәм оныкларны ватанпәрвәрлек рухында тәрбияләү, туган якка мәхәббәт кебек иң яхшы сыйфатларны алу мөмкинлеге белән горурланабыз.
Намуслы хезмәтегез, тормышыбызны яхшырак, игелеклерәк, гаделрәк итү теләгегез өчен ихлас рәхмәт сүзләрен кабул итеп алыгыз. Барыгызга да ныклы сәламәтлек, тормышка сүнмәс кызыксыну, якыннарыгызның мәхәббәте һәм хөрмәте, җан тынычлыгы һәм баш өстендә тыныч күк йөзе телим.