Зәй районы башлыгы электр челтәрләре хезмәт коллективы белән очрашты

Бүген Зәй район электр челтәрләрендә район башлыгы Р.Г. Кәримовның хезмәт коллективы белән очрашуы булды. Район башлыгы Разиф Кәримов хезмәткәрләрне 2025 елның беренче яртыеллыгында районның социаль-икътисади үсеше нәтиҗәләре белән таныштырды, энергетикларның уртак эшкә керткән өлешләрен билгеләп үтте, кулланучыларны сыйфатлы электр энергиясе белән тәэмин итүдә хезмәттәшлек иткәннәре һәм профессиональлекләре өчен рәхмәт белдерде. Район башлыгы шулай ук агымдагы елның калган чорына планнар турында сөйләде. «Челтәр компаниясе» АҖ филиалының район электр челтәрләре оешмасы җитәкчесе Олег Лукин мәгълүматы буенча, беренче яртыеллыкта коллектив халыкны энергия белән ышанычлы тәэмин иткән. Быел шәһәр һәм район авылларында кабель линияләрен алыштыруга һәм җиһазларны яңартуга аерым игътибар бирелә. Электр энергиясен исәпкә алу системаларын автоматлаштыру һәм интеллектуаль исәпләү приборларын урнаштыру буенча эш дәвам итә, бу челтәрләр белән идарә итү процессларын оптимальләштерергә һәм энергия югалтуларын киметергә ярдәм итә. Разиф Галиевич, очрашуга йомгак ясап, коллективның эшен уңай бәяләде һәм алга таба да уңышлар теләде.